الرئيسية
أحدث الصور
كنت حاسس اني القاك
في المرافئ السمحة
في فرح القصيدة
و كنت حاسس اني اهواك
في العوالم الجاية
في الصدف السعيدة
و اني بي ريدك بكاتل الزيفة
و الريح العنيدة ..
و ابقى سلطان الليالي
و تبقي سلطانة العوالي
و نحكم الدنيا الجديدة
كنت حاسس ...
من كتيف النيل اجيلك
و اشتل الدوبيت ازاهر
في بيادرك ... و في خميلك
وتضحك الدنيا انبساطة
و تسمع النجمات هديلك ...
و القمير الضاوي فوقك ...
لابساويك ... لا عديلك
ولو قليبي الحاني نالك ....
و لو رموش العين تشيلك
ببقى شاعر لي عيونك ...
و ابقى غناي لي عديلك
الحمام الشال كلامك .......
للمهاجرين الغلابة
و النسيم المن عيونك
رش في الدنيا الصبابة
كان بلاحظك ...
و كان بجيب من قيف لواحظك
و المودة القائمة دابا
و هائمة زي وتر الربابة
ونورا في عينيك هامس ...
انا كنت في اعماقا حاسس
اني القاك ...
في المرافئ السمحة
في فرح القصيدة
و اني اهواك ...
في العوالم الجاية
في الصدف السعيدة
*** حسين خوجلي **
في المرافئ السمحة
في فرح القصيدة
و كنت حاسس اني اهواك
في العوالم الجاية
في الصدف السعيدة
و اني بي ريدك بكاتل الزيفة
و الريح العنيدة ..
و ابقى سلطان الليالي
و تبقي سلطانة العوالي
و نحكم الدنيا الجديدة
كنت حاسس ...
من كتيف النيل اجيلك
و اشتل الدوبيت ازاهر
في بيادرك ... و في خميلك
وتضحك الدنيا انبساطة
و تسمع النجمات هديلك ...
و القمير الضاوي فوقك ...
لابساويك ... لا عديلك
ولو قليبي الحاني نالك ....
و لو رموش العين تشيلك
ببقى شاعر لي عيونك ...
و ابقى غناي لي عديلك
الحمام الشال كلامك .......
للمهاجرين الغلابة
و النسيم المن عيونك
رش في الدنيا الصبابة
كان بلاحظك ...
و كان بجيب من قيف لواحظك
و المودة القائمة دابا
و هائمة زي وتر الربابة
ونورا في عينيك هامس ...
انا كنت في اعماقا حاسس
اني القاك ...
في المرافئ السمحة
في فرح القصيدة
و اني اهواك ...
في العوالم الجاية
في الصدف السعيدة
*** حسين خوجلي **
